airplanebooksbriefcase business cogs cross election entertainment fish house law lockmedicalpeopleselfservices socialtax

Sanaluttarfinnut il.il. ilisimatitsissut

Peqqissutsimut Naalakkersuisoqarfiup aamma Nunatsinni Nakorsaaneqarfiup COVID-19 pillugu ilitsersuut una ass. sanaluttarfinnut nukinginnartunillu imaluunniit suliassat angerlarsimaffimmi suliarisariaqartartunik allanik suliaqartartunut sanaajuvoq.

Maleruagassat nalinginnaasut
Siullertut inassutigineqarpoq nappaatip siaruaannissaa pinaveersaartinniarlugu ass. assannik eqqiluitsuutitsineq ungasissuseqartarnerlu pillugit ilitsersuutit atuuttut tamanit malinneqassasut.

Ilitsersuutit taakkua uani nassaarineqarsinnaapput


Immikkut ittumik maleruagassat
Inuk angerlarsimaannaqqusaatilluni imaluunniit angerlarsimalluni mattusimatilluni suliffimmiit suliassat pillugit immikkut ittumik maleruagassat
Nukinginnarluinnartumik iluarsaassinerit pineqanngippata suliassat sapinngisamik kinguartinneqarnissaat innersuussutigineqarpoq. Innersuussut taanna atuuppoq aatsaat angerlarsimaffik angerlarsimaannaqqusaasumik imaluunniit angerlarsimalluni mattusimaqqusaasumik inoqarpat.
  • Sapinngisamik angerlarsimaffimmi tassani ineqartut attaveqarfiginaveersaakkit. Sulisup angerlarsimaffimmiinnerani ineqartut angerlarsimaffiup silataaniittariaqarput imaluunniit inimi allamiittariaqarput.
  • Sulisup takkutinnginnerani aamma/imaluunniit suliamik aallartitsinnginneranii inoqutigiinni najugaqartup silaannarissarluarsimassasoq qinnuigineqassaaq.
  • Sulitillutit allanullu pulaartillutit aaqqateqarit.
  • Angerlarsimaffimmi attorneqarsinnaasartut(allerpaaq takuuk) sapinngisamik attornaveersaakkit.
  • Angerlarsimaffimmi suliaqalinnginninni suliaqareernerpillu kingorna assatit asakkit aamma/imaluunniit assanut spritsi atoruk.

Covid-19-ip uninnani ineriartorfiujuarnera maluginiartuaruk, taamaammallu ilissinnut uani nittartakkami misissuiuarnissarsi kajumissaarutigineqarpoq, tassanilu pisariaqartitsineq naapertorlugu paasissutissat nutaanerpaat takuneqarsinnaapput.


Nassuiaat
Attorneqarsinnaasut tassaapput assammik attorneqartartut (matserfiit, sarfamut ikkuffiit, anartarfiup kuutsittarfia, nillataartitsivimmut tigummivik, imermik kuutsitsilermi qipisakkat, anartarfiup issiavittaa il.il.


Coronavirus (COVID-19) pillugu apeqqutissaqaruit, sianerlutit allallutilluunniit paasiniaasinnaavutit:

Hotline: 80 11 00
E-mail: corona@nanoq.gl

Saaffiginnissutit ullut tamaasa nal. 08:00-16:00 akornanni akineqartassapput.
Meeqqanut inuusuttunullu
Ernumavit inersimasumillu oqaloqateqarnissannik pisariaqartitsillutit? Tusaannga-miit ikiorneqarsinnaavutit.

SMS: 1899
Hotline: 80 11 80

Ullut tamaasa nal. 08.00-imiit nal. 22.00-ip tungaanut attavigisinnaavatsigut.

Peqqinnissaqarfinnut oqarasuaatikkut attavissavat

Allattorsimaffik takujuk