airplanebooksbriefcase business cogs cross election entertainment fish house law lockmedicalpeopleselfservices socialtax

Sakialluut Tuberkulose

Nuna tamakkerlugu nappaatip TB-ip akiorniarneqarnerani iliuusissatut siunniussat naapertorlugit Nunatsinni Nakorsaaneqarfik TB-mik pitsaaliuinermik akiuiniarnermillu suliniuteqarpoq. 

TB-mik pitsaaliuineq akiuiniarnerlu 

Nunatsinni Nakorsaaneqarfik:

  • Peqqissutsimut Naalakkersuisumut, politikkerinut inuiaqatigiinnullu siunnersuisuuvoq
  • TB-ip atugaaneranik, iliuuseqarnernik angusanillu nakkutilliissuvoq
  • pitsaaliuinermut paasititsiniaanernullu atatillugu- ilaatigut innuttaasut ilisimaarinnilersinniarlugit peqqinnartumillu inuunissamik ujartuinerup pitsanngortinnissaanik -taamaaliornikkut TB-mut ersiuteqarnermi kingusissukkut saaffiginnittarnerup annikillisinnissaanik -siunertalinnik suliaqarpoq.
  • peqqinnissaq pillugu ilinniutinik suliaqarpoq
  • peqqinnissakkut sullissisunut ilinniarsimasunut ilinniartitsissutissanik inerisaaneq ilinniartitsineq pikkorissaanerillu suliarai
  • qarasaasiakkut TB pillugu paasissutissanik toqqorsivimmut TB-mik nappaatilinnik nalunaarutiginninnermut atortartumut akisussaasuuvoq
  • Pisortaqarfiit suliffeqarfiillu pisortanit ingerlanneqartut akimorlugit ajornartorsiutit ilinniagaqassuseq tunngavigalugu isumaginninnerup peqqinnissallu akornanni akerleriit naapiffianniittut qitiutillugit suleqatigiinnermik tapersersuivoq
  • Nunarsuaq tamakkerlugu kattuffinnik suleqatigiinnillu World Health organization ( WHO), European Centre for Disease and Control( ECDC) International Circumpolar Surveillance-imullu (ICS) attuumassulitinnik suleqateqarpoq.

Kalaallit Nunaanni issittorlu akimorlugu TB pillugu ilisimatusarnernik tapersersuivoq.

TB pillugu annertunerusumik paasisaqarusuppit?
Tava attavik una malittariuk: www.tuberkulose.gl

TB- akiorniarlugu iliuusissatut siunniussat nutaat uani atuakkit

2016-imi aasakkut Kalaallit Nunaat TB-mik immikkut ilisimasalinnit suleqatigiinnit WHO-mit, Dansk Lunge Foreningimit Statens Serums Institutimiillu aallartitanit tikeraarneqarpoq. Taakku innersuussutaat uani atuarsinnaavatit