airplanebooksbriefcase business cogs cross election entertainment fish house law lockmedicalpeopleselfservices socialtax

Nunatsinni nakorsaaneqarfimmut tunngasoq

Nunatsinni Nakorsaaneq aaqissuussaanikkut Peqqissutsimut Naalakkersuisup ataani Naalakkersuisoqarfinni pisortatulli toqaannartumik inissisimavoq.

Tamaalilluni peqqinnissaqarfimmut Nunatsinnilu Nakorsaaneqarfimmut attuumassuteqannginnera erseqqissarneqarpoq.

Nunatsinni nakorsaaneqarfimmut tunngasoq 

Nunatsinni Nakorsaanerfimmi suliassat 

Apeqqutit peqqinnissamut tunngasut pillugit naalakkersuisunut pisortaqarfinnullu allanut siunnersuineq allatigullu ikiuunneq

  • Peqqinnissamut tunngatillugu iliuuserisat amigaateqarnerat pillugu paasititsiniaaneq, pitsanngorsaataasinnaasunillu siunnersuusiorneq
  • Peqqissutsimut tunngatillugu immikkut ittunik pisoqartillugu tamanut nalunaaruteqarneq
  • Peqqinnissakkut sullissisunut ilitsersuusiorneq
  • Peqqinnissakkut sullissisunik suliffeqarfinnillu nakkutilliineq
  • Peqqinnissakkut sullinneqarneq pillugu Napparsimasut Maalaarutaannik Aalajangiisartut aalajangiivigisassaannik piareersaaneq (Maalaaruteqarsinnaaneq pillugu ilitsersuut takuuk)
  • Peqqissaasut Kalaallit Nunaanni sulisinnaatitaanerannut uppernarsaasiorneq

Eqqartuussinernut atatillugu misissuisarnermut-, inuttut atugarisat peqqissutsillu ataqatigiinnerannut-, avatangiisinut eqqiluisaarnissamullu tunngasut Nunatsinni Nakorsaanerup suliassaqarfiinut ilaapput

  • Nunatsinni Nakorsaaneqarfiup suliassai allat tassaapput naatsorsueq-qissaarnermi kisitsisit tunngavigalugit innuttaasut peqqissusaannik nakku-tilliineq, nappaatit tuniluuttut pillugit nalunaaruteqarneq Nunatsinnilu Nakor-saaneqarfiup suliai pillugit ukiumoortumik nassuiaasiorneq.
  • Innuttaasunut peqqissuunissamik pitsaaliuinermillu suliniuteqarnermut atatillugu nalinginnaasumik aaqqissuussinerni Nunatsinni Nakorsaaneq peqataasarportaaq.

Qallunaat Nunaanni peqqinnissakkut oqartussat qanimut pissarsiviusumillu suleqatigineqarput taamatuttaaq Skandinaviami nunarsuarlu tamakkerlugu suleqatit qanimut attavigineqarlutik.