airplanebooksbriefcase business cogs cross election entertainment fish house law lockmedicalpeopleselfservices socialtax

Sulisinnaatitaaneq

Sulisinnaatitaaneq 

Peqqissaasut sulisinnaatitaanerat sulinerallu pillugit Kalaallit Nunaanni Inatsisartut peqqussutaat nr. 7 oktobarip 30-ani 1995-imeersoq

naapertorlugu peqqissaasut kalaallit Nunaanni sulisinnaatitaanermut uppernarsaatillit kisimik Kalaallit Nunaanni peqqissaasutut sulisinnaapput.

Kalaallit Nunaanni peqqissaasutut sulisinnaatitaanermut uppernarsaammik pissarsiniarluni qinnuteqaat Nunatsinni Nakorsaaneqarfimmut nassiunne-qassaaq.

 

Uppernarsaasinnaanermut piumasaqaat: 

Kalaallit Nunaanniit: Peqqissaasut Kalaallit Nunaanni ilinniarsimasut  Peqqissaasutut Ilinniartitaanermi Peqqissutsimullu Ilisimatusarnermi Instituttimi Peqqissaanermik Ilisimatusarfik, ilinniakkamik angusilluni naammassinnissimanermik uppernarsaasussaq aqqutigalugu, Kalaallit Nunaanni peqqissaasutut sulisinnaatitaanermut uppernarsaammik qinnuteqassapput.

Nunanit Avannarlerniit: Peqqissaasut Nunat Avannarliit arlaanneersumik sulisinnaatitaanermut uppernarsaatillit, Kalaallit Nunaata tamanna pillugu Nunat Avannarliit isumaqatigiissutaannut akuerseqataanera pissutigalugu, qinnuteqarnikkut Kalaallit Nunaanni peqqissaasutut sulisinnaatitaanermut uppernarsaatitaarsinnaatitaapput.  
Danmark-imi Sundhedsstyrelsip sulisinnaatitaanermut uppernarsaatinut nalunaarsuiffimmik pilersitsineragut Danmarkimi peqqissasutut ilinniarsi-masut sulisinnatitaanermut ilisarnaatertik qinnuteqaamminnut ilanngutiin-nassavaat.

Peqqissaasunut FinlandimeersunutNorgimeersunut Sverigimeersunullu uppernarsaatitut piumasaqaatit immikkut ilitsersuutitaqarput.

Nunanit allaniit: Peqqissaasutut sulinissamut qinnuteqartut nunani allani ilinniarsimasut, ilinniakkat tunngavigalugit immikkut tamarmik naliliivigine-qartarput. Taamammat ilinniakkap imarisai sivisussusaalu, ilinniakkat atorfigisimasallu(CV), kiisalu pisortaqarfiup naapertuuttup sulisinnaatitaa-nerup atuunneranik uppernar-saataanik nassiussinissaq pisariaqarpoq. Uppernarsaat taanna qaammatit pingasut sinnerlugit pisoqaassuseqassan-ngilaq. Suliap sivisunerusumik ingerlanneqarnissaa naatsorsuutigineqas-saaq.

Qinnuteqartup nammineq Kalaallit Nunaanni sulisinnaatitaanermut upper-narsaatip assilinera atsiorsimasoq Peqqissutsimut Pitsaaliuinermullu Aqutsi-soqarfimmi sulisoqarnermut immikkoortortaqarfimmut Postbox 1230, 3900 Nuuk imal. Kalaallit Nunaanni kommunimut atorfininniarluni qinnuteqarfigi-samut nassiutissavaa. Tamatuma kingorna aatsaat atorfininnissamut alla-gartat suliarineqarsinnaanngussapput.
 

Paasissutissat allat

Peqqissaasunut Kalaallit Nunaanni atorfininnianut piumasaqaatit allat pillugit paasissutissat Peqqissutsimut Pitsaaliuinermullu Aqutsisoqarfimmut mail-ikkut: sundhedsledelsen@peqqik.gl  imal. oqarasuaatikkut +299 344000 attaveqarnikkut pissarsiarineqarsinnaapput.
Alakkaruttaaq nittartagaq www.peqqik.gl